De magna mulcta “Chiquitae”
De magna mulcta "Chiquitae".
Regio Colombiana ubi Chiquita Co.
(i.e. parva soc.) prave operata est.
Multa mulcta -US$25 milliens milibus viridorum thalerorum consistens- uberrimis gerentibus prosperum Musae paradisiacae negotium imponitur.
In una ex miserrimis provinciarum Colombianarum occidentalium regionibus, Apartadó, ubi societas eorum nomine "Chiquita" -id est parva- haud parvas pecunias parastraticis quibusdam coetibus –sive gregibus tromocratice operantibus– secundum vestigata foederalia solvebat.
Chiquitae symbolum
Iamdudum pervenerant clementes ab Apartadó defensorum populi voces pro fructu musae paradisicae (sive "banana") sine macula sanguinis exportando. Neque defuerat qui pro iuribus humanis agens denuntiaret "Chiquita Brands International", propterea quod parastraticos suos custodes adhiberet non solum ad servandos servos protegendosque a muscis, sed etiam ad solvendos, reprimendosque coetus igni ferroque, si qui contra dominorum incepta et studia locutus videretur.
Quoniam igitur –secundum iudicium Justitiae Departmenti– supradicti custodes "tromocraticis" officiis funguntur, eorum patrones delictui favent, scelere non vacant et criminales actus promovisse dicuntur. Ceterum contra hanc sententiam iudicum Chiquita suo ingenuo insistit argumento, iuratque, se ad tutandas modo servorum commoditates terrorificos istos adhibuisse vigiles.
Scripsit Carolus Petreius Bogotensis
| 
