Tempore exercitationis mortuus est prior orbis terrarum
architechnes urinationis liberae - 36 annorum Francogallus Loic
Leferme.
Calamitas evenit in mari Mediterraneo,
prope ad oppidum maritimum Villefranche-sur-Mer, in Litore
Caeruleo. Immersus usque ad altitudinem 171 metrorum, sacco aeris
spissi disploso, ut mos urinatoribus est, utens, conatus est
Leferme summam aquam repetere. Tantum 20 metris a scopo
instrumentum quo iuxta lineam ferream ductus erat, aliquo in
ignoto modo irretitum est. Re comperta alius urinator statim in
mare se proiecit, corpus Leferme invenit et eum non sine
difficultate in superficiem maris adduxit, tunc tamen urinator
clarus iam in statu soporis comatici erat. In nosocomium
Nicaeanum transportatus animam efflavit.
Limen illud 171 metrorum ipsius Leferme culmen mundanum
urinationis liberae (sine scilicet usu lagoenarum oxygeni) erat,
quod 30 Octobris 2004 anni attigit. Mense tamen Augusti
praeteriti ultimi anni Austrius Herbert Nitsch eo profundius,
usque ad 183 metra urinavit.
Calamitas evenit in mari Mediterraneo,
prope ad oppidum maritimum Villefranche-sur-Mer, in Litore
Caeruleo. Immersus usque ad altitudinem 171 metrorum, sacco aeris
spissi disploso, ut mos urinatoribus est, utens, conatus est
Leferme summam aquam repetere. Tantum 20 metris a scopo
instrumentum quo iuxta lineam ferream ductus erat, aliquo in
ignoto modo irretitum est. Re comperta alius urinator statim in
mare se proiecit, corpus Leferme invenit et eum non sine
difficultate in superficiem maris adduxit, tunc tamen urinator
clarus iam in statu soporis comatici erat. In nosocomium
Nicaeanum transportatus animam efflavit.
