SPIEGEL ONLINE - 13
SUPPLICIUM CAPITALE
Iudices Americanos non desistere a
supplicio capitali in Germanum statuto
Dieter Riechmann dicitur viginti annis ante necavisse amicam sua, ut praemium acciperet, quod sibi daretur assecuratione amicae vitali. Nunc iudices Floridae supremi Germano recusanti, qui inter sicarios erat damnatus, unâ voce negaverunt.
Tallahassee ex urbe Floridanâ – Iudices Floridae supremi manent inexorabiles. Qui negaverunt Dieterico Riechmann viro 62 (sexaginta duos annos) nato iudicium recusanti, quamvis idem Dietericus cum ceteris tum eo praecipuê argumentatus esset, quod in causâ iudiciali testes actore publico hortante mentitos esse.
Dietericus a iudicibus dicitur inter vacationem, quam degisset in urbe Miamianâ, m.Oct. anni 1987 (millesimi nongentesimi octogesimi septimi) in sede autocineti conducticii convectoriâ amicam suam necasse globulos teli igniarii iaculatus. Actor publicus contenderat Dietericum voluisse lucrari assecurationem amicae vitalem.
E contrario Germanus assevêrat se suamque amicam, cum erravissent viam quaerentes, autocinetum stitisse, ut interrogarent de viâ. Tum aliquem virum in autocinetum sclopetasse mulieremque globulo fataliter perfodisse.
Hanc relationem d.13. m.Apr. a.2007 in periodico interretiali „Spiegel online" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Scripsit Nicolaus Gross
|
