SPIEGEL ONLINE - 07
INFORTUNIUM SILVESTRE
Americanum cultro plicatili amputasse crus suum sinistrum
Qui fuit solus, vita eius fuit in periculo: Albertus Hill inclusus erat trunco arboris, quae corruerat. Îdem Americanus constituit, ut ageret. Albertus cultro destricto ipse amputavit crus suum.
Franciscopoli ex urbe - Albertus Hill, qui est 66 (sexaginta sex) annos natus, in ephemeride locali, c.t. „Auburn Journal", refertur in remotâ regione silvaticâ, quae sita sit in Iowâ Civitate US-Americanâ foederali, iter fecisse, cum fieret infortunium.
Quaedam enim arbor ita corruit, ut Albertus prosterneretur. Eiusdem viri crus sinistrum per plus decem horas erat inclusum. Nemo audivit Alberti clamores.
Infeliciter accidit, ut telephono mobili, quod Albertus secum attulerat, nihil reciperetur.
Deinde Albertus intellexit neminem sibi affore nisi se ipsum: Cultro suo plicatili desecuit crus suum sinistrum. Horis demum post Ericus Bookey vicinus quidam incidit in virum vulneratum. Ericus autem postea dixit sermone quadamtenus pathetico: „Illo die nemo in hac silvâ fuit nisi ego et Albertus et Deus."
Albertus autem helicoptero illatus est in nosocomium. Mulier quaedam eidem nota dixit diurnariis Albertum interim esse agilem et „bono animo".
Hanc relationem d.07. m.Iunii, h.08.02, a.2007 in periodico interretiali „Spiegel online" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Scripsit Nicolaus Gross
|
