SPIEGEL ONLINE - 08
PISCES SUFFOCATI
Aringorum stragem ingentem in insulâ Syltâ factam
Plus unus milio, i.e. decies centena milium aringorum mortuorum allutus est ad litus insulae Sylt occidentale. Verisimile est has bestias, cum scombros fugerent, esse suffocatos – quia tempestate calidâ creverant nimis multae algae.
Westerland ex oppido – Verisimile est tempestatem calidam his piscibus fuisse perniciei. Astynomi tutelae aquaticae Husumenses nuntiaverunt aringorum mortuorum „numerum esse insolito magnum". Ut procul dubio inveniretur causa huius stragis piscium, nunc aquam perquisitum iri.
|
Sylta insula Maris Germanici: Strages piscium die Veneris facta
|
Sed astynomi iam suspicati sunt, qua de causa facta esset istaec strages piscium: Volfgangus Boe, locutor astynomorum tutelae aquaticae Husumensis, dixit fortasse algîs ante Syltam insulam boreo-frisianam insolito abundantibus portio oxygenii in aquâ marinâ tantopere deminuta esset, ut aringi suffocarentur. Analysi laboratorii factum iri, ut res certo cognosceretur.
Norbertus Grimm plăgas insulae tutari iussus dixit ex diebus flare ventum orientalem. Quo vento aquam superficialem ab insulâ esse abactam. Aquam autem post illam fluentem propter algarum abundantiam partim esse oxygenii valdę egenam. Fieri potuisse, ut examen illud aringorum iuvenum – fortasse scombros fugientium – veniret in hanc aquam ascendentem.
Strages aringorum facta est in parte litoris, quae sita est Westerland et Wenningstedt.
Hanc relationem d.08. m.Iunii, h.16.41, a.2007 in periodico interretiali „Spiegel online" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Scripsit Nicolaus Gross
|
|
