Euro moneta vilissima

Die Veneris nummus euro primum spatio temporis praeteritorum sex annorum viliori pretio praebebatur in foris mundanis quam 1,2 dolarii USA. Depretiationem euronis ac possibiles huius rei effectus politicos commentatus est Carolus Bogotensis:

PRAESENS EVROPAE MONETA MINIMO

QVEM OBTINVIT HONORE LAPSA

SIMILIS AEGRO IACET IN LECTO

DONEC RECEPTO STATV PERFECTO

MUNDANO VIDEBITVR VALIDA FORO

AVT AVARO DESCENDET SOLVTA ORCO.

xxx xxx

QVAPROPTER EST VULGATA CVRA

AN DIVTIVS SIT FVTVRA

PER QVAM FOEDERATAE NATIONES

OPES DIVIDANT SOLVANTQVE RATIONES.

NEQVE DESVNT TIMORES IVSTI

RVPTI FOEDERIS INCENSIQVE BVSTI.

Scripsit Carolus Bogotensis