De certaminis mundani optimis sedecim

Batavia Slovaciam 2-1 superat; Chilia a Brasiliensibus 3-0 profligatur

Batavi Slovacos superaverunt, sibi in optimis octo locum comparantes. Arjen Robben primum rete adversum duodevicesimo minuto quassit (ut in imagine adposita conspicitur), Wesley Sneijder victoriam luteam certamine fere confecto consecravit. Extremo tamen tempore Robert Vittek (in altero photographemate) dignitatem animosorum Slovacorum servavit.

Brasilienses manipulum Chiliae fuderunt, tria puncta mirifica obtinentes. Capite defensor Juan (quem admirare!), pede Luis Fabiano et altero tempore Robinho aureoviridibus locum inter optimos octo comparaverunt.

Scripsit Herimannus Novocomensis