Restrictio oeconomica in Britannia

Necopinatum Gubernationis nuntium Britanni audiverunt: expensas publicas 81 millies milibus librarum legitimarum (sterling) minutum iri; ex eo instat periculum ut oeconomica actuositas etiam decrescat, quod quidem Gubernationi non convenit neque ipsis Britannis; tamen ex eo quoque exspectatur ne maiorem restrictionem, quam ea quae iam acta est, futuram agere oporteat.

Status autem Uniti aliter quam Britannia acturi videntur, qui expensarum publicarum minutionem non patientur et lacunam fiscalem, quae nunc adest, Gubernatio sustinebit aut forsitan augebit, eo consilio ne oeconomia e monetali restrictione denuo recedat.

Ex his duobus oeconomicis propositis quid eveniat attente vigilandum est; proventum aut damnum utrique nationi post aliquot menses manifeste videbimus.

Fons: El Mercurio 23 Oct. 2010

Scripsit Paulus Kangiser