Certamina pedilusoria mundana

Anno 2014 in Brasilia, anno 2018 in Russia, anno 2022 in Quataria certamina pedilusoria acta erunt a totius terrae factionibus; in America Meridionali iam quater hoc certamen actum est, nunquam in Russia et in Quataria,  qua de causa Status Uniti et Hispania et Britannia rem aegre tulerunt, quod sibi sedem certaminis frustra postulavissent; in Europa vero iam decies certamen habitum est, atque ter in America Septemtrionali; magno gaudio atque hilaritate Russici et Quatarienses celebraverunt.

Ex his autem certaminibus, ut scitur, magna pecuniae vis movetur, vel in Quataria ubi impensae pro certamine dollarum 645 miliones numerantur plus tria milia milionum in stadiis exstruendis; inde possumus quaerere utrum pedifollium sit res athetica an spectaculum commerciale; utrumque fortasse.

Scripsit Paulus Kangiser