Mors cyclistae vehiculo vexati suo?

Accidit Granatae Hispanorum, hodie, ut Xavierus Tondo, 32 annorum, ad plateam excercendi causa prodiret. Prorsus ad currendum in Gyro Francico exercebatur. In insula Pradollana, in Serra Nivata, hora circiter tertia diei (10.00), autocinetum suum stabulatum in receptaculo educturus erat. Habebat condictum cum socio ut se in clarum gyrum pararent...

Portam casu claudicantem ut aperiret, Xavierus descendit in terram. Vehiculum vero, quod automatarium erat, lapsum ita est, ut corpus infortunati cyclistae in portam aedificii impingeret. Tanta est obscuritas caecitasque Fati, quod praeservatum ab omni accidente virum, suimet ipsum vehiculi viribus affligat!

Possis ad caelum ascendere, anima benigna, et per meliorem portam ad gloriam ingressus, in praesentia divina clariores facere gyros.

Scripsit Carolus Bogotensis