De duobus populis terrae motibus afflictis

Domina Yuko Iwasaki, Nipona 33 annorum, quae novem annos in Chilia vivebat, post terrae marisque motum Chiliensem mense Frebruario 2010 habitum, in patriam suam decrevit redire agnatorum videndorum causa. Ibi nunc alterum terrae motum et tsunami passa est.

Ipsa dixit concives suos a Chiliensibus eo differre quod in Chilia timore et festinatione et tumultuose inter calamitatem actum esse, nam multi quadam desperatione afficiebantur. In Iaponia autem incolae patienter magnam cladem pertulerint, quippe qui in mercatu victum ordinate singuli emerent  imperatisque pro securitate  publice datis strictim obtemperarent.

Fons: El Mercurio, 15 Mar. 2011

Scripsit Paulus Kangiser