Non solum mulieres altis calceis utuntur

Non solum mulieres altis calceis utuntur sed etiam…qui excelsa statura praediti non sunt.

Berlusconius et Sarkozyus, cum variae sint controversiae inter Galliam et Italiam, convenire statuerunt.

De Libya (tormentis incendiariis istam verberare an non?), de finibus servandis (migrantes in Europam recipere an non?), de commerciiis (licetne cuidam Gallico negotio, cui Lactalis nomen est, omnes Italici casearii negotii partes, cui nomen est Parmalat, comparare?) et de ceteris rebus (suntne in Italia quoque electrificinae nucleares aedificandae an non?) disseruerunt. Eorum consensum aequo animo non accepit maioritatis Pars (Liga septentrionalis). Eadem (auctore eius duce Bossio) adfirmavit se de rebus dissertis certiorem factam non esse, Berlusconium pro Sarkozyo ad terram se prostravisse et Italica negotia neglexisse. De omnibus rebus, de quibus supra diximus, Partes adversae petunt ut Legislatores disputent et postremo decernant.

Non solum gravia, sede etiam levia in diurnis de colloquio leguntur. Quae sunt levia? Berlusconii et Sarkozyi exiguitas et … contra…alti calcei, quibus iidem utuntur, ut minus exigui videantur. Qua de re undique in orbe terrarum … cachinnitur, magis magisque cachinnitur.

Scripsit Dominicus Caveosanus