Palmenti

Antiquae, admodum parvae aedificationes ad vinum faciendum adhibitae in parva Lucaniae urbe (nomine Pietragalla) extant.

Non longe ab urbe visitatores intentis oculis has singulares et miras aedificationes admirantur, quarum de origine dubium est.

Nomen “palmenti” a verbo latino “pavire”, id est “pedibus solum pulsare”, unde “pavimentum” (postea “paumentum”) originem trahere videtur.

Saxis e fluminibus tractis et arena erigebantur, parte defossi, casulis similes. Intus duo alvei saxis tufaceis erigebantur; alter superior, in quo uva nudis pedibus calcabatur; alter inferior mustum accipiebat, in vinum se conversurum. A “palmentis” vinum in cellas vinarias auferebatur. Non amplius agricolae “palmentis” utuntur, qui temporis praeteriti muti testes iam exstant, sacellis in sepulcreto positis similes.

Scripsit Dominicus Caveosanus