"Valeo - inquit - e morte ad vitam reversus"

Haud raro accidit ut quidam, aperte mortuus, nonnullis horis praeteritis, ad vitam redeat: mortis species describitur.

Novum factum in Zimbawe Africae natione evenit. Quidam Brighton Dama Zante, XXXIV annos natus, mortuus patefactus, domi in feretro aperto iacebat, necessariis adstantibus, qui amicorum dolorem accipiebant. Statim opificii, in quo Zante operam dederat, conductor animadvertit “mortui” crura moveri; timor eos qui aderant occupavit; qui, paulo post cum se collegissent, “mortuo” auxilium tulerunt ut e feretro exiret et in lecto, animo recreatus, iaceret. Nunc valeo – inquit – mihi nova facultas vivendi datur.

Scripsit Dominicus Caveosanus