De laophoro e via deverso
 De laophoro e via deverso
Die dominica, XXII mensis Decembris (vel, more antiquorum, Solis
die, a.d. XI kal. Ianuarias), in via Brasiliensi nomine
"Regis Bittencourt" quae inter urbes Flumen Ianuarii et
Curitybam interest magna calamitas facta est. Laophorum vehens
LIV viatores, cum prope oppidum Sanctum Laurentium a Monte in
provincia Sancto Paulo esset, e via devertit atque in clivum
lapsum est. Saltem XIV viatores perierunt et XXXII vulnerati
sunt. Gubernator laophori dixit 'repente sibi gubernationem
defuisse'; alii vero dicunt 'eum gubernantem dormivisse'; quidquid
est, is de homicidio involuntario accusatus est.
Scripsit Villelmus Brasiliensis
|
