Humilibus veritas, non superbis

Hoc Evangelium dominicale in Iesuchristi imos affectus nos conducit: gratus erga Patrem, quamquam nuper eius praedicatio a sapientibus et peritis non bene recepta fuerat. Summi sacerdotes et scribae et sadducaei Novum Nuntium exaudire noluerunt. Tunc Iesus exclamavit: “Confiteor tibi, Pater, Domine caeli et terrae, quia abscondisti haec a sapientibus, et prudentibus, et revelasti ea parvulis.” (Mt 11, 25).

Inter parvulos et sapientes magna differentia interest. Sapientes Iudaei Legem iam pernoscere postulabant, ita ut eis nulla Divina revelatione opus esset; ipsis propria conscientia sufficiebat. Etiam aliquot Iudaici doctores in populum inscientem immisericordes se praebebant. Credebant neminem nisi ipsi Salutis viam ac clavem possidere.

Summa de Deo sapientia fere semper iis celatur, qui Spiritus veritatibus se claudunt, qui vanitatem exhibentes ob scientiam et rerum notitiam fiunt superbi, qui de doctrina vel sacra vel saeculari vaniloquuntur, qui se sibi sufficere existimant. Ea sapientia revelatur iis qui agnoscunt Deum orbe terrarum atque humana mente maiorem esse, qui se salvari cupiunt, qui vitae mysteria secundum Iesuchristi oculos considerant.

Evangelium hoc die dominico nobis propositum, ad cordis simplicitatem nos vocat, ut huius modi praesentiam Dei in nostra vita dilucide perspiciamus. Saepe fit ut in Sacris Scripturis inveniantur miseri et ignari, qui veram sapientiam adepti sunt, qui res divinas intellegunt et ab iis pleni beatitudine evadant.

Recenter ut personae simplices, humiles, divinae sapientiae apertae eminuerunt, in exemplum, Sancta Maria Faustina Kowalska (1905-1938), monacha Polona atque beata Alexandrina Maria da Costa (1904-1938), Lusitana, quae “Cooperatrix Salesiana” fuit. Hae vix litteras didicerunt, sed tamen mira scripta reliquerunt, quae veram sapientiam divinam ostendunt, adeo ut patet Spiritum Sanctum, luce splendenti, in utramque afflavisse.

Excerptum compendiarium ex Patris Iosephi I. Del Col SDB homilia, in die dominico XIV per annum habita convertens

Scripsit Paulus Kangiser