Apparuitne imago satanae in frusto bubulae?

Iam nos omnes fabulas de imaginibus Mariae Virginis vel Iesu in variis rebus apparuisse audivimus.

Sed cives qui civitatem cui nomen California Inferior Meridionalis (“Baja California Sur”) incolunt imaginem diaboli ipsius (vide infra) in frusto bubulae apparuisse dicunt!

Haec imago nuper posita est in Libro Vultuum (Facebook) ab quadam ephemeride interretiali cui nomen “El Metichon”.

“Photographema accepimus, in quo diabolus apparuit in frusto bubulae. Quid censes?”, scripsit ille qui imaginem quae nunc pervulgatur posuit.

Incertum autem est utrum hoc frustum iam consumptum sit. Si autem adhuc venum datur, procul dubio magno pretio emetur. Nam multi qui responsum ad imaginem istam dederunt, dixerunt se id frustum magnificum etsi carissimum empturos!

Scripsit Stephanus Rex