Vir Qui Adhuc Electionis Praesidentialis Eventum Nescit Nescius Remanere Vult

“Sum placidissimus in bulla ignorantiae meae,” inquit Joe Chandler.

Ne haec bulla erumpat antequam paratus sit, Chandler omnes nuntios vitat.

Cum foras it auricolaria exceptacula (headphones) gerit ne nuntios comitiales audiat et quendam titulum in pectore impositum in quo sunt scripta haec verba: “Nescio quem elegerint nec scire volo. QUAESO, NOLI MIHI NARRARE!”

“Declino oculos meos ab ephemeridibus nec saepe domo exeo sed autem cum foras eo exceptacula titulumque semper gero et omnes sunt observantes consilii mei,” inquit Chandler.

Chandler autem scit ignorantiam suam beatam non posse perpetuo manere.

“Placeat mihi ignarus manere usque ad annum MMXX - inquit - sed fortunatus ero si mansero usque cras” .

Scripsit Stephanus Rex