Iam ab uno saeclo physicus Albertus Einstein de hac re coniecturam fecit,
cava nigra in universo existere, cum opinaretur spatium celeste materie
flecti posse; tamen primum periti scientiarum fidem opinioni non
addiderunt, donec, spectando obscurationem solis eodem anno MCMXIX,
conspectum est spatium prope astrum obscuratum flexum esse et lucem
stellarum, iuxta transeuntem, cursum incurvum conficere. Cum massa
longinquitatis modum excedit appellatum radium Schwarschild, spatium tantum
flectitur ut non patiatur materiem neque lucem exire. Transactis annis
instrumenta spectanti magis magisque potentiora theoriam de cavis nigris
confirmaverunt . Decem radiotelescopia eodem tempore in usu in variis locis
orbis terrarum hoc effecerunt, imaginem anuli russei, cavi nigri umbram.
Tamen de re non omnes incensi admiratione sunt: praeclarus physicus Italus
Antonius Zichichi non existimavit inventum factum esse: iam omnes novisse
cava nigra extare, re vera photographema nihil prodesse; maioris momenti
esse quod in laboratorio fieret.
Scripsit Lydia Ariminensis
