Mediolani hodie conuentus de aeris condicione habetur, ut iuuenum sententia de climate quam maxime audiatur. Hic conuentus maximi momenti est: mense enim Nouembri congressus uniuersalis per ipsam Societatem Nationum apparatus de aere habebitur, in quo de rebus quam primum agendis pro planeta nostro disputabitur. Hodie enim ipsa Greta Thunberg, quae in toto orbe summa in demonstrationibus pro climate est puella, contionem in congressu pronuntiauit: ipsa omnes ad actus peragendos maxime exhortatur, ne uerba rebus maiora fiant. Scripsit Andreas Nouocomensis
|
