TRUCHUS: QUATTUOR SINENSES IN HORNOTINO CERTAMINE MUNDANO

Alius pro titulo, alius pro centum milibus librarum certabit

Ante undecim annos apud sponsatorem Gullielmum (William) Hill appuaruit Ser quidam Pekinensis nomine Yu Senhuang, qui sponsionem fecit ante annum 2011 campionatum mundi ludi truchi (Anglice snooker) capturum esse aliquiem e concivium sui, lusorem scilicet Sinensem. Sponsator libenter accepit ducentas libras a Yu datas- narrat Michal Kiedrowski, diurnarius de rebus athleticis scribens ephemeridis Polonorum "Gazeta Wyborcza".

Quam pecuniam quasi praedam facilem sponsator putavit, nam in 80 annorum historia campionatus mundi huius generis lusus tudicularis sive biliardi numquam homo alius quam Britannus aut Anglophonus titulum cepit - re vera praeter Anglos, Caledonos et Hibernos tantum bis campio mundi factus est incola coloniarum quondam Britanniae (anno 1952 lusor Australianus, 1980 autem Canadianus). Lusus truchi ergo Britannis tantum quasi restrictus semper manebat atque - putabat Hill - diu manebit. Sine igitur metu sponsionem viri Sinensis proportione certitudinis 1:500 intravit. Nunc fortasse solvenda ei erunt centum milia (100.000) librarum.

In hornotino enim truchi certamine mundano inter 32 lusores quattuor sunt Sinenses, quorum unus saltem ad alterum ludendi gradum progredietur, nam duo Seres contra se primum luserint - Marco Fu Hongkongiensis et Ding Junhui, quorum agonem telespectaturi sunt in Regno Medietatis saltem centum miliones (100.000.000) hominum. Hodie sponsatores Londinenses certudinem dant Sinensem iam hoc anno campionatum capturum 1:7. Titulum defendit Anglus Iohannes (John) Higgins.

Scripsit Stanislaus Tekieli - 22/04/2008 10h34

Infandum athleticum

Italici victoria

De autoraedis

Nova ab Hungaria

Natatores Italici

.

.

Subnotationes fient
ante finem Septembris.