Varsoviae nata
per rete divulgata
ad omnia scitu digna spectans

Homo sum
humani nihil
a me alienum puto.
Veneris die 25 mensis Aprilis 2014
Prima
Nuntii
Acta
Nuntii recentiores (ANL)
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Lampas
Chronicae Mediatlanticae
Epistula Leonina
Chronica TTT
Memoranda
Folia
Disticha
Nuntii Finnici
Sanctus
Cultura
Historia
Biographiae
Cinemata
Libri
Cultus
Hermetica
Poesis
Otium
Ars vivendi
Periegetica
Crucigramma
Nugae
Manga
Facetiae
Fabulae
Holmesiaca
Narrationes
Superbia & odium
Crabatus
Varia
Exempla
Vita Latina
Lexicographia
Textus varii
Scholastica
Epistulae lectorum
Tempestas
Qui simus
Archiva
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

CINEMATA
Miserabiles

Miserabiles

Les Miserables Britannia 2012

Dispositor scaenarum: Thomas Hooper; scriptor scaenarum:William Nicholson; histrio princeps: Hugo Jackman; histriones maximi momenti: Russell Crowe, Anna Hathaway, Amanda Seyfried, Eddie, Redmayne.

Genus: tragicum, musicum.

Thomas Hooper qui iam fuit scaenarum dispositor pelliculae “De regis oratione” qua Praemio Ansgariano exornatus est, opus epicum, grave, maxima cura confectum rexit. Fluxus musicae et cantus prope continuus, apparatus historicus veridicus, magnifici prospectus scaenici, maximae perfectionis studium, spectaculum omnium animos alliciens, secum trahens, minime taediosum spectatu praebent, quamquam diuturnum et usque ad centum et sexaginta minuta productum cum colloquiis et cantu Anglice, conversione in albo inscripta.

Fabula Victoris Hugo, quae peragitur saeculo XIX, notissima est: Johannes Vajean, in vincula coniectus quod panem nepti dandum fami moriturae furatus esset, totiens frustra fugitivus, post XIX annos e carcere est dimissus; ab omnibus repulsus, visis documentis, hospitio tandem acceptus est ab Episcopo Myriel cui insequenti mane abstulit suppellectilem argenteam; cum a custodibus reductus esset Episcopi domum, ei etiam candelabra data sunt, ut novam vitam incipere posset, neglecta lege qua ei veniendum esset constanter in custodum conspectum. Is valde commotus est a caritate Episcopi erga se et ad Fidem conversus est.

Post aliquot annos, mutato nomine, praefectus urbis et officinae dominus, coactus est ut se ostenderet apud iudices, pro se insontem damnaturos. Statim inexorabilis scelerum indagator Javert eum insecutus est: interea Johannes in nosocomium attulerat meretricem , graviter aegrotam, quae antea inique ab opera eius officinae repulsa erat. Ei obiturae, cum pollicitus esset se filiolae provisurum esse, secum duxit eam relictam apud caupones nomine Thenardier, penso magno pretio. Cum effugisset e manibus indagatoris, Lutetiam in monasterium cum Cosetta confugit. Transactis aliquot annis, Cosetta cuiusdam seditiosi amore incensa est. Personarum sors intexa est rei politicae et rebellioni contra regem Aloisium Philippum. Inter tumultuantes inventus est ut explorator inquisitor Javert qui remissus est incolumis a Johanne, qui intererat seditioni ad Marium tuendum, adulescentem a Cosetta dilectum. Graviter vulneratus Marius servatus est ab ipso qui eum ducit per cloacam ubi ei occurrit improbus caupo Thenardier. Inquisitor, aegre ferens se dimissum esse incolumem a reo, sibi mortem conscivit. Sub fabulae finem Marius quis fuisset ignotus cognovit qui auctor suae salutis fuisset. Moribundus Johannes sponsis de vita sua libellum dat.

Pelliculae argumenta ut paupertas, iniuria, seditio, Christiana fides, amor, redemptio, participes dramatis reddunt spectatores, sed etiam peritia histrionum non neglegenda est ad eos adliciendos. Omnes vere in scaena cantant suapte voce: eminet canens et recitans Anna Hathaway quae agit partes Fantinae, Cosettae matris, stupentibus oculis, macie confectae; optime canens primas partes agit etiam Hugo Jackman (Johannes Vajean), Russel Crowe (Javert), contra, vocis quandam raucitatem ostendit, aptam tamen personae.

Scripsit Lydia Ariminensis



Profectae de profectura edita sunt!

  ARS VIVENDI
De tonsore callido
Quomodo in Polonia tonsores et cantores proelium committant.
  ARS VIVENDI
De desiderio rerum naturalium
Mores Polonorum increscenti pecunia mutata sunt.
  CINEMATA
XII annos servus
Pellicula Americana describit condicionem miseram servorum saeculo XIX, sed antiqui tantam iam saevitiam vituperaverant.
  LIBRI
Doppler - Vita cum alce communis
Librum lepidum propono auctoris Norvegiensis, ubi vir vitam urbanam deserit ut cum alce in silva vitam agat.
  CULTUS
De anatomicorum Californensium Italophilia
... seu de Italoamericani cuiusdam amore in patriam avorum.

Catherine Gauchon
Artiste peintre

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: