Varsoviae nata
per rete divulgata
ad omnia scitu digna spectans

Jovis die 28 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

CINEMATA
IULIA

IULIA

In novissimo opere filmico inscripto “Iulia” (Julieta), cuius res sumpta est ab opere scriptricis Alice Munro, praeclarus dispositor scaenarum Hispanus Petrus Almodóvar obscaenitatem saepe praebitam reliquit ut teneram fabulam de matre et filia fingeret, quamvis aliquid occultum, ineffabile in animis maneret nec amoris vehementia neglegeretur. Qua re electa aestimatores moderatorem spectaculi cinematographici reprehenderunt quasi senex factus esset et in peius mutatus. Nonne ad maturitatem artis pervenit, cum nec animi impetus nec ingenii suavitas deessent?

Iulia, magistra quinquaginta quinque annorum, primas partes agens, profectura est cum amico ad Lusitaniam, sed paulo ante in Beatricem, filiae Anthiae amicam incidit in via, quae narrat illam degere in Italia, apud lacum Comensem; cum coniuncta in matrimonium sit, illi tres liberos esse. Nuntius valde Iuliam perturbat, cum filia undevicesimum annum agens a duodecim annis evanuerit, nulla re comperta. Amico dimisso, cum in priorem domum redierit, longam epistolam, velut libellum memorialem, Anthiae perscribit ut ei explanet quid tacitum et tragicum tot annos inter eas permanserit.

Amor inter Iuliam et piscatorem Xoanum nocte in tramine exarsit, mortuo in binis orbitis quodam homine ambiguo more quocum ea recusaverat ne loqueretur. Nata filia, cum esset Iulia sollicita et suspiciosa de viri amore, exorto iurgio, statim, piscandi causa, Xoanus mari turgido, imminente procella, solvit et periit. Dolore et peccati conscientia excruciata, Iulia in animi aegrimoniam cecidit; ei filia et amica Beatrix succurrerunt.

Exarata vitae memoria, maerore consumpta, iterum Iulia Beatrici occurrit et tot annis praeteritis secreta filiae cognovit: Anthiam in odium se habere ob patris obitum sibi culpae tributum; sed, quod prorsus inopinatum esset, illam, repulsam a Beatrice, amorem homosexualem effugisse. Cognitis his rebus, explicata fugae ratione, Iulia sibi amicum reconciliavit. Sed fatum tandem ei favit: in domicilium ubi cum filia habitaverat, ut erat in spe, epistula pervenit. Anthia scripserat se animadvertisse magnam matris derelictae aegritudinem, cum unum filium ex tribus in lacus aquis amisisset…

Pulcherrimae sunt imagines, amoeni loci, peritissimi et formosi histriones qui primas partes agunt, fabula autem spectatores trahit, non solum quod aliquid occultum in vicibus inest sed etiam quia vehementes affectiones personas instant quae ex imo corde vitas perturbant.

---

IULIA (JULIETA) HISPANIA 2016

Regimen spectaculi: Petrus Almodóvar; scriptor scaenarum Petrus Almodóvar. Histriones maximi momenti: Emma Suárez (Iulia); Adriana Ugarte (Iulia iuvenis); Priscilla Delgado (Anthia puella); Blanca Parés (Anthia adulescens); Daniel Grao (Xoanus).

Scripsit Lydia Ariminensis



Profectae de profectura edita sunt!

  CULTUS
ANTIQUI MORES (VIII)
De vino
  ARS VIVENDI
SECUNDA MENSA
Colloquium de cibis, coquendo, et rebus culinariis... Latine!
  CULTUS
ANTIQUI MORES (vi)
De pistrina
  HISTORIA
CULTUS DEAE VESTAE VEL ΕΣΤΙΑΣ
Apud Graecos et Romanos maxime celebrabatur
  CULTUS
INVENTUM MIRISSIMUM IN TUSCIA
XXIV statuae effossae sunt...

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: