Varsoviae nata
per rete divulgata
ad omnia scitu digna spectans

Mercurii die 27 mensis Januarii 2021
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

CULTUS

Colloquia mythologica II

IMPIVS AENEAS

Aeneas – Vergili, tutor et uates meae gloriae, fer opem, auxilium praesta.

Virgilius – Aenea, tute supplicans me clamas poetam qui te patrem conditorem Romae inuictae perfundere conatus sum pauperibus uersibus?

Aeneas – Linque si sapis tumida uerba. Dic mihi quomodo illa uexata quaestio dicta “Aeneas impius” orta sit. Ex tuis latinis saturniis?

V – Hexametri sunt, pater indiges.

A – Quicumque sint, hi uersus tui quendam Tertullianum pepulerunt ad me uituperandum sicut proditorem patriae.

V – Minime, diue. Tertullianum quaesiturus sum et repetam rem.

A – Forsitan etiam Seruium afer qui te cogitat dubitantem de meo honore. (Solus) Perditus sum miser!

Tertullianus – Manus aufer, gentilis! Quonam me trahis? Si scripsi Aenean fuisse proditorem patriae [Ad Nat. II, IX], non recuso: cur alios reos torquetis ut confiteantur, autem nos christianos ut negemus? Ius romanorum absurdum.

A – Vnde exegisti fabulam hanc?

V – Tantummodo flatus insanorum bacchantium sunt.

T – Vox populi sancti erat et mea coniectura, deo uno adiuuante.

V – Logi… Videsne, pater? Curae ne sit.

A – Et qua de causa iste Seruius post unum uel duo saecula adhuc tuis saturniis glossam scribens refert me ac Antenorem prodidisse Troiam?

Seruius – Grammatico munere fungens cogebar adnotare. Sed nullus ex magnis scriptoribus tandem id probauit.

A – Et quid ait Liuius ille nuncupatus, cum tu, Serui, scribas me hoc facinus admisisse [Ad Aen. I.242], secundum Liuii sententiam [Ab Vrb. cond. I, 1]? Et quomodo audes proferre id: Vergilius hoc “per transitum tangit” -dicis- componens uersum “se quoque principibus permixtum agnouit Achiuis” [Aen. I.488]? Quasi me in concilio secreto esse cum Achiuis cum Troia ardere coepit!

Liuius – Exspectate, uos audio me criminantes. At ego post Vergilium scripsi.

V – Simul aut paulo post… Ipse tamen numquam dixi semi uerbum contra te, Aenea: uersus meos perlege aut ausculta, si libet. Seruius paedagogus commentus esse aliqua mendacia mihi uidetur.

A – Sed quid est illud de hospitii iure cum Achiuis, quod scripsisti, tu Liui? Quis Achiuorum me acceperat ante bellum apud se aut accepit postea? Quem ego acceperim apud me?

S – (Separatim) Hoc priscum numen riuuli Numici plus litterarum scit quam reliqui omnes communiter…

L – Bah…, illis temporibus reges sibi inuicem hospitium facile offerebant. Nihil noui. Solum de miseratione Graecorum uictorum agebam, minime de proditione tua, Aenea.

A – Atqui mihi nihil liquidum apparet! Ad Minoem praetorem uos postulabo cum calumniam stringatis in me innocentem.

T – Vos facite sicut uobis uidebitur. Ego ad caela reuertor et Petro questurus sum iniuriam Virgilii huc me ui trahentis.

L – Quoquouersum curras, miser sectator asini, ultra flumina Auerni tibi progrediendum non est.

T – Tace, infide superstitiose.

Scripsit Daniel Alvarez



Profectae de profectura edita sunt!

  CULTUS
De calamitate et miseria docentium in ludis litterariis
Gregorii Bersman carmen Latinum
  HISTORIA
DE ACTIS DIURNIS ANTIQUITATIS
Etiam tunc exstiterunt
  HISTORIA
ΓΝΩΜΗ Ε'
  CULTUS
DE AMPHITHEATRO VOLTERRIS INVENTO
Aliquid necopinatum effossum est
  CULTUS
Poeta-poema
Casparis Barth carmen Latinum

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: