|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
CULTUS
NOVA POMPEIIS REPERTA Ossa fulvi equi inventa sunt in suburbano non longe a villa mysteriorum, apud viam Civitatis Iulianae: ex reliquiis quae superfuerunt, intellegi potest fuisse magnum, forte, generosum animal , ornatu instructum, paratum ad celeriter effugiendum. Inventio maximi momenti effecta est, stabulum cum iungeretur magnificis aedibus , hoc ait Massimo Osanna, rector effossionis, quarum dominus dux loci fuisse reputatur. Equus ad horribilem mortem obiit, intercluso spiritu cinere effusa et aestu vehementissimo nubis pyroclasticae. Sed nova coniectura mentem archaeologorum occupat, si forte altera villa mysteriorum exstiterit ut ab incipiente saeculo XX quidam opinatus est. Coniectatur villam habuisse muros opere tectorio exornatos et sumptuosa podia erga mare, praeter receptacula vini et horrei, partem aedificii servituti permissam. Scripsit Lydia Ariminensis |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
