HISTORIA
De Constitutione Antoniniana
 De Constitutione Antoniniana
(vel de
vectigalibus auctis)
“Constitutio
Antoniniana nominatur edictum quo anno CCXII p.Ch. n. id est
abhinc MDCCC annos, Imperator Antoninus Caracalla in civitatem
omnes fere incolas imperii Romani ascripsit. Inter paucos non
receptos fuerunt qui dicti sunt dediticii, ut putatur, barbari
quibus domicilium habere in finibus imperii concessum esset.
Edictum propositum est, exclusis a plerisque aliis causis, ut
liceret plura vectigalia exigere, cum imperator vellet omnibus
subiectis imponere civium optimo iure tributa ex quibus de
hereditate vel de manumissione.
Constitutio
Caracallae magni momenti fuit ad leges Romanas vulgandas, quod ab
illo tempore etiam gentes remotorum imperii locorum iure
Romanorum usae sunt, quamvis re vera, ut antea, saepe provinciales
mores loci observarent vel ius Romanum mixtum suis moribus.”(Conversum
prope ad verbum a www.treccani.it).
Quaedam
similitudo cum hodierna aetate mihi exstare videtur: etiam illis
temporibus ob discrimen oeconomicum qui tributa eludebant
reperiebantur ita ut ea pendere cogerentur!
Scripsit Lydia Ariminensis
|
