Varsoviae nata
per rete divulgata
ad omnia scitu digna spectans

Jovis die 12 mensis Decembris 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

IN ORBE
Colloquium Insolitum

Britannia. Andreas regulus, qui dux Eboraci atque tertius liberorum reginae est, quondam amicitiam Galfridi Epstein faenatoris colebat. Hic Galfridus anno MMVIII stupri damnatus, quod puellam pro meretrice paraverat, in carcere publico XVIII menses conditus est. Mense Augusto, anno MMIX, nomine iterum delato dieque iudicii dicto appetente mortuus in carcere repertus est. Quaesitor mortium ambiguarum eum necem sibi conscivisse promulgavit.

Die XVI mensis Novembris, Britannicum Emittendi Collegium (scilicet, “British Broadcasting Corporation,” vulgo “BBC”) colloquium televisificum emisit singulare. Andreas enim regulus cum Aemelia Matilis diurnaria de se et amico suo Galfrido Epstein collocutus est.

Rogatus qualiter Galfridum novisset, quotiensque invisset, dixit: se ab anno MCMXCIX per amicam Gislenam Maxwell eum novisse, neque amicissimum; fortasse vel ter vel quater in anno convenisse, quae res opportune sibi e classe misso ad discendum de mercatura inter nationes evenisset. Nihil de facinoribus scivisse, minus admisse.

Quorum facinorum dux mense Septembris particeps nominatur palamque incusatur a Virginia Guiffre quadam, quae se anno vel MMI vel MMII coercitam a Galfrido Epstein ter a duce subiectam esse coitu vulgavit. Quod televisifico in colloquio Andreas regulus vehementer negavit: ne posse quidem reminisci utrum umquam ei obvium fuisset. Uno ex tribus temporibus, de quibus ea dixerat, se nullo modo in America, sed in Anglia fuisse, quod filiam die natalis ad quandam popinam, cui nomen erat Pizza Express, adduxisset. Dixit dux, cenare in tali popina tam insolitum sibi esse, ut perspicue recordari posset.

Cum de imagine photographica, quae eum cum Virginia adolescente praebeat, Aemelia Matilis rogaret, respondit: se nullo modo ea, quae imago fingat, meminisse; imaginem ipsam a pervestigatoribus rerum photographicarum peritis perspectam, sed utrum falsam an intercisam necne haud satis compertum sibi esse.

Altera imago, cuius mentio facta est, anno MMX expressa ducem in Novo Eboraco per viridarium cum Galfrido Epstein ambulantem ostendit. De quo regulus hoc modo dixit: Galfrido stupri damnato, finem amicitiae, quem efficere ipsum praesentem oportuisset, faciendum fuisse.

Postridie colloquium emissum, acta diurnaria haud benigne verba ducis acceperunt. Cursus Cotidianus (scilicet “The Daily Mail,”) verba amicae cuisdam Virginiae iteravit: ducem nullam pudoris sententiam pronuntiavisse. Custos diurnarius (scilicet “The Guardian”) etiam nunc roganda esse dixit. Quicquid voluerit efficere, nullum finem aut rei aut famae fecit dux.

Scripsit Grames Britannicus - 24/11/2019 21h51



L.V.P.A. e.V. - Latinitati Vivae Provehendae Associatio e.V.

LEO LATINUS publicat libros audibiles et discos compactos textuales

Grex Latine Loquentium

VOX LATINA - Latinitas recens vivaque Saravipontana

FOLIA PERENNI LATINITATI DICATA


BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34
Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM





Catherine Gauchon
Artiste peintre

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: