|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
IMBER STERCORIS LIQUIDI FOETIDUS Fabricam biogasicam esse displosam Mâne pluit sucus stercoris: Causis adhuc ignotis in Badenia-Virtembergâ turris fabricae biogasicae 22 metra alta est displosa. Detrimentum effectum est unius milionis euronum. Testis quaedam spectavit ingentem ignis sphaeram per aera volitantem. Eadem observavit turrim 22 (viginti duo) metra altam fabricae biogasicae Riedlingensis (Riedlingen, vicus in Badenia-Virtembergâ Germaniae terrâ foederali situs) displodi. Astynomi referunt parietinas et substantiam suco stercoris similem per agros affines latê diffusas esse. Aestimatum est detrimentum esse effectum unius ferê milionis euronum. Haec fabrica biogasica brevi ante demum incepta erat adhiberi. Eâdem fabricari potuit fluentum electricum 1500 (mille quingentorum habitaculorum). Turris diplosa adhibita erat ad bio-materias fermentandas – i.e. in eâdem materiae illatae bacteriis erant digestae et in biogasum mutatae. 
Ecce funditus diffracta: Fabrica biogasica Riedlingensis (Riedlingen, in circulo Biberach sita) Hac in fabricâ summo mâne versus horam quartam, in viculo Riedlingen-Daugendorf. Nemo est vulneratus. Causa displosionis ab homine rei perito explananda erit. Loca erant obsaepta.
Hanc relationem d.16.m.Dec., h.14.33, a.2007 in periodico interretiali „Spiegel online" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/Scripsit Nicolaus Gross - 16/12/2007 21h20
. .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
