Libri Gaiae Grzegorzewska narrant de Iulia Dobrowolska, pulcherrima femina, quae invenit veneficos et sicarios, ut poenis debitis afficiantur. Primo eius libro titulus fuit Messor. Cum enim scriptrix die aprico rura Silesiaca bicyclo (sive velocipede) permetiretur, imaginata est hominem in viae fine cum falce stantem et tum de opere cogitare coepit. Is titulus optime quadrat libro, qui de morte violenta narrat, nam mortis deus saepe ut messor pingitur. De tali messore cantat grex musicus Americanus, qui “Cultus Caerulearum Ostrearum” (Blue Öyster Cult) appellatur:

Harvester of eyes, that’s me,

And I see all there is to see

When I look inside your head

Right up front to the back of your skull;

Well, that’s my sign that you are dead,

My list for you checks off as null. […]

I’m the harvester of eyes.

I’m just walkin’ down the street,

I see a garbage can, I pick it up,

I look through all the garbage

To see if there are any eyes inside.

I’ll put ’em in my pink leather bag. […]

So if you see me walkin’ down the street,

You’d better get out of the way

And put on your eye glasses

’cause I’m gonna take your eyes home with me.

 

Idem Latine:

Oculorum sum ego messor.

Visu tuum caput incesso

atque cuncta inibi cerno,

quae in fronte sunt et a tergo.

Cum id ago, tu scito te tum

e vivorum albo deletum. […]

Oculorum sum ego messor.

Vado via. Adhuc non cesso,

donec vas purgaminum cerno,

et tunc scrutor id ab interno

invenire oculos volens,

uti roseum impleam follem. […]

Si me igitur cernas euntem,

aufer ilico e via tum te

perspicillaque indue, ni – vae! –

velis ut te oculis privem.

 

 

Nicolaus Simonides