Varsoviae nata
per rete divulgata
ad omnia scitu digna spectans

Jovis die 28 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
DE PONTIFICIS ITINERE IN AFRICAM

DE PONTIFICIS ITINERE IN AFRICAM

Summus Pontifex, primum iter in Africam faciens, die Mercurii 25 mensis Novembris e aëronavi in caput Kenianum Nairobi egressus est. In Palatio Rei Publicae Praesidem Uhuru Keniatta allocutus est; usum cotidianum sibi persuadere ut vis, conflictio, tremorque metu, diffidentia, desperatione alerentur, qui a paupertate et frustratione exorirentur. Inter alia, quia Lutetiae Parisiorum conventus internationalis de natura servanda imminebat, affirmavit, ut scripserat in epistula encyclia Laudato si’, oecologiam semper “humanam esse”: in orbe homines domo communi abuti potius quam eam defenderent; nationum ducibus operam dandam esse ut, tecta natura, ordo societatis aequus et iustus crearetur.

Insequenti die Papa Franciscus Magnam Inopiam convenit; nam non tantum partem urbis opulentam, sed etiam pauperrimam visitavit. “Domi sum” ut ait; in suburbano Kangemi nominato (slum) inter miserrimos morbis et egestate confectos, tuguria et tabernas ex lamina ferrea, in semitis et luto sufflavo, inter gallinas et oves transit autoraeda detecta vectus; ibi tamen schola et parva ecclesia, casae pictae animalium figuris non desunt. Papa in ecclesiam Sancto Josepho dicatam iniit, cuius gradus externi ad rem purgati erant: quomodo non de eorum inopia iniqua loqueretur? Coram iuventute in stadio urbis vel de Vaticano corrupto loqui ausus est: corruptelam non ad vitam sed ad mortem ducere, dulciorem melle esse, iuvare, facilem esse, sed nocere.

Die Veneris in Uganda festive Pontifex acceptus est; in templo primario martyres saeculi XIX commemoravit , iuvenes hortans ut pro amore odium recusarent: migrantes autem accipere, humanitatis signum esse. Postremo, die Solis, in Rempublicam Mediam Africanam pervenit, quae terra non solum miserrima sed etiam bello civili inter Christianos et Muslimos vexatur, in speciem ob dissimilem religionem: ibi Maximam Inopiam conspexit. In aede principali capitis Bangui Portam Sanctam aperuit, Annum Sanctum Misericordiae ante tempus incipiens. In meschita Muslimos quoque convenit: sub nomine Dei non vim esse posse. In Italiam die Lunae rediit.

Scripsit Lydia Ariminensis - 02/12/2015 00h32



Catherine Gauchon
Artiste peintre

.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: