Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Jovis die 20 mensis Septembris 2018
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII

DE CAEDE MAXIMA IN CIVITATIBUS UNITIS

In capite ludorum senex ab alta fenestra ictus displosit contra multitudinem concentum audientem

lasvegas.jpg

Numquam armis igniferis caedes civilium in Civitatibus Americae Unitis tam gravis facta est: LIX necati sunt, plus quam quingenti vulnerati. Las Vegas, caput ludorum, urbs in mediis desertis civitatis Nevada sita, ubi tot tabernae aleatoriae sunt, intempesta nocte subversa est, cum vir coepisset glandes ignivomas displodere a trigesimo secundo tabulato deversorii contra multitudinem temporis festi musicae popularis participem; inter audientes concentum, prope quadraginta milia, improviso terror diffusus est creberrimis ictibus ab alta fenestra amplissimi deverticuli explosis. Uni citato cursu effugiebant, alii humi procubuerunt, ut inexorabilem sicarium vitarent, qui, facta caede, sibi mortem conscivit.

Senex sexaginta quattuor annorum, nomine Stephanus Paddock, ditissimus, studiosus venationis, centena tela, XXIII arma ignifera apud se tenebat. Multa alia eius domi inventa sunt. Incertum est an non psycopathia affectus horrendam stragem patraverit, ut pater, qui e carcere evasus, scelestus sicarius fuerat, alienatus, ut putabatur.

ISIS sibi caedem vindicavit, sed homines Muneris Foederalis Investigationis nexus inter sicarium et terrorismum negant esse, quamvis quiddam occultum in nefasta re manere videatur.

Scripsit Lydia Ariminensis - 03/10/2017 23h29



Catherine Gauchon
Artiste peintre



BREVES Mense Iunio hoc consilium Praeses Donaldus Trump Hispaniae dedit ut migrantium adventum ab Africa coërceret: “Moenia erigite in solitudine Sahariana”. Cum ei dictum esset quinque milia kiliometrorum eam in longitudinem patere “Finis Saharianus – inquit – longior Mexicano non potest esse”-
Senatus Europae hodie consilium comprobavit ut iura auctorum contra gigantes interretiales defenderentur quibus mercedes editoribus solvenda esset; alii hoc victoriam esse libertatis in edendo reputant, alii autem censuram.
Auctore legato peculiari Ordinis Nationum Unitarum Ghassan Salamé, foedus ad proelia intermittenda in capite Tripolitano factum est ut cives defenderentur et bona publica et privata servarentur. Factiones pactae sunt ut invenirent de re politica consilia.
Ante biduum omnes migrantes navis Diciotti solum Italicum tetigerunt. Prope quinquaginta Albania et Hibernia accipient, ceteros Ecclesia. Interea Administer Salvini a iudice indagatur.
E navi Diciotti Catinae in ancoris tenta, XII egressi sunt cum tabe laterum afficerentur; ante triduum etiam XXVII minoribus aetate sine parentibus exire licuit. Interea auctoritates Italae ultionibus Europae minantur.


SCIENTIAE
INSOLITA
INSOLITA
INSOLITA
OECONOMIA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: