|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
NUNTII 
ORATIO DE STATU UNIONISTrump de rebus confectis in anno muneris praedicavit
Praeses Donaldus Trump primam orationem habuit de statu Unionis, ut mos est, ante duo Consilia coniuncta quae per radiophonum et telehorasin transmitti fieri solet. Voce triumphali declaravit, ut fidem civibus adderet, hoc esse novum Americae tempus nec meliorem opportunitatem somnium Americanum vivendi umquam fuisse. Cum primo anno muneris adeptos miros exitus iactavisset, populares ad unitatem vocavit ut omnes secundo anno simul operarentur. Haec, ut ait, bene evenerunt: imminutionem maximam vectigalium factam esse, vicies quater centena milia munerum creata, grapheocratiam redditam minorem. Opus commune a se offerri cum opus esset Senatus et Consilii legatorum auxilio ut lex de migrantibus et ingentissima pecuniae collocatio probarentur, nulla re tamen concessa. Quod exstitit mirum et inopinatum, carcerem maximae securitatis apud sedem navalem Guantanamo minime clausum iri nuntiatum est, contra atque Obama praedixerat. Oratio octoginta minuta perduravit, quo tempore praesidi a sectatoribus plausum est, populares autem immoti manserunt. Johannes Kennedy III paucis verbis respondit: “Superbi pugno petere possunt et notam relinquere, sed non vim et animam populi concordis adaequare”. Scripsit Lydia Ariminensis - 01/02/2018 22h42
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
