Varsoviae nata
per rete divulgata
ad omnia scitu digna spectans

Martis die 20 mensis Augusti 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII

RADIOPHONIUM VATICANUM LATINE LOQUITUR

Per interrete nuntii emittuntur

romania.jpg"

Ab hodierno die octavo mensis Iunii apud stationem radiophonicam Vaticanam audire Latine licet octavo quoque die Saturni nuntios de Pontificis operis et Sanctae sedis in parte ephemeridis quae inscribitur “Hebdomada Papae, notitiae Vaticanae Latine redditae”. Novum commentarium radiophonicum quinque minuta emittetur et ex interreti detrahi poterit.

Rector editorius Andrea Tornielli explicavit hoc non esse desiderium temporis praeteriti sed provocationem ad futurum. Novam notationem hebdomadalem renovare velle etiam in nuntiis linguam Ecclesiae quae cotidie a Radiophonio Vaticano in Missa matutina resonaret. Curator Latinarum litterarum cappellanus honorarius Summi Pontificis Waldemar Turek cum administris de verbis neolatinis auxilium praebebit. Nuntios novos sequetur pars inscripta “Anima Latina, Radio colloquia” dicata ad reparandam pulchritudinem et praecepta linguae Latinae, sed praesertim novas voces neolatinas ad docendas.

Hodie, hora meridiei et dimidia prima acta radiophonica Latina emissa sunt. Primus nuntius spectavit ad iter Papae in Dacoromaniam: “«Franciscus Dacoromaniam invisit, tres dies ut parvula cum Ecclesia ambulet locali atque in dialogo cum orthodoxis »; secundus nuntius ad puellam Nederlendicam quae sibi ipsa inedia mortem conscivit verbis Papae relatis: “Euthanasia et interitus voluntarius, adstantibus adiutoribus, omnium est clades. Nostrum est neminem deserere, numquam cedere, sed curare et amare ad spem iterum praebendam». Tertius commemoravit conventum qui fuit ante quinque annos inter Summum Pontificem, Praesidem Israelis Simon Peres et Praesidem Palaestini Mahomud Abbas in praesentia Patriarchae orthodoxi Bartolomaei primi.

Latinistae sane querentur pronuntiatum, qui in saeclis ex more Ecclesiatico confirmatus est; tamen non potest fieri quin de re gaudeant, quod tandem in Ecclesia Catholica lingua Latina rivivescat et generatim de ea nova cura exoriatur.

Vide: https://www.vaticannews.va/it/vaticano/news/2019-06/debutto-hebdomada-papae-primo-notiziario-latino-radio-vaticana.html

Scripsit Lydia Ariminensis - 09/06/2019 01h40



Catherine Gauchon
Artiste peintre



BREVES Reclamationes non desinunt in territorio Sinensi (Hong Kong) quod fuit colonia Anglica usque ad annum MCMXCV. Nunc V milia seditiosorum aëriportum intercludunt. Seditio exorta est contra legem traditionis, qua punirentur rebelles pro libertate pugnantes. Prope DCC ab ineunti mense Iunio comprehensi sunt.
Praeses Donaldus Trump nuntiavit vectigal decem partium ex centum impositum iri in CCC miliarda mercium a Sina venientium, quod magnum timorem in mercatum nummorum iniecit; utique reputatur in re consilium inesse ut Argentaria Primaria Americae (FED) non mediocriter usuram pecuniae imminuat ad oeconomiam fovendam.
Jihadista Osama Bin Laden, qui terrore suo Boreoamericam summe exterruit, prolem procreauit: Hamza nomen eius. Ille, qui potestatem patris in sodalitate Al Qaeda recipere cupiebat, clam periit: exploratores enim Boreoamericani modo nuntium, singulis omissis, protulere.
"Remigium nauis Britannicae hominum XXIII saluum atque nullo uolnere deprehensum est." Legati Administrationis Persicae hodie nuntium protulere. Vtrum restituentur prompte an non nescitur.
Apud caput Graecum hodie terrae motus: ratione Richteriana in incolas quintam uim perfundit. Nullus periit ciuis, qui magna frequentia domum suam effugit. Multa uastantur.


INSOLITA
POLITICA
SCIENTIAE
INSOLITA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: