NUNTII

PRIMUM A SAECULO ITER COMMERCIALE NAVIS VELIFERAE

"Beluga" scindit aequor

Primum post plus quam centum annos in mare profecta est navis oneraria vi ventorum (partim saltem) propulsa. Portum Bremensem (Bremerhaven) Germaniae modo reliquit, ut Guantam Venetiolae trans Oceanum Atlanticum peteret, navis "Beluga" vehens decem milia tonnarum mercium. Iter, quod putatur 14 dierum fore, esse poterit initium novi aevi, quo in gratiam redeant naves veliferae.

Non omnino est "Beluga" ut erant naves veliferae veteres: re vera non velis sensu proprio trahitur sed quasi dracone volanti permagno, qui in aere pendet ante navis rostrum, in altitudine 100-300 metrorum supra facie maris, ubi venti sunt multo vehementiores. Ita velum tale volitans superficie 160 metrorum quadratorum eodem vi propulsurum speratur navem, ut vela veterorum navium duorum malorum, superficie cunta carbasorum fere mille metrorum areae. At possint strui adiberique nunc vela volitantia 800 quoque metrorum quadratorum.

Velum volitans "Belugae" computatro moderatur et adiuvat tantum verulam motri petroleo utentis. Nihilominus, sperant possessores navis usque ad tertiam partem petrolei aliter in itinere adhibendi vi ventorum substitutum iri. Quod tempore pretii petrolei crescentis ultra limen centum dolariorum per dolium haud parvi videtur momenti.

Promotores "reditus ad vela" credunt maiorem partem omnium 60.000 navium hodie per maria mundi cursitantium facile instrui posse velis volantibus. Quod non tantum ad oeconomicam sed etiam oecologicam rationem appellet: 4% (quattuor centesimae) enim globalis emissionis carbonei dioxydati a navibus producuntur; plus ergo quam ab aeroplanis. Usque ad annum 2015 volumus 1.500 naviculas velis instrui - nuntiat Stephan Wrage, praeses societatis commercialis Sky Sails AG, quae vela volantia navis apta fabricare parata est.

Scripsit Stanislaus Tekieli - 24/01/2008 21h18

Catherine Gauchon Artiste peintre

TEMPESTAS AMERICANA

FACINUS LUTETIENSE

FOEDUS EUROPAEUM

MISSILIA RUSSICA

DE RE AFRICA

DE RE QATARENSI

RERUM NOVARUM STUDIUM

NOVA UCRAINA

CAPTIVORUM COMMUTATIO

NOVA DE BELLO

DE PERSIA

DE VERBIS RUSSICIS

DE CIVITATE ISLAMICA

POTESTAS BOREOCOREANA

DIES FESTUS PRO FEMINIS HODIE CELEBRATUR

.

.

Subnotationes fient
ante finem Septembris.