NUNTII

SERES CUM 51 NOMISMATIS AUREIS SUNT NATIO ATHLETICISSIMA MUNDI

Finis Olympiorum Pecchinensium

Caerimonia sollemni in stadio "Nidi avis" Pecchini habita finiti sunt die Solis ludi Olympici anni 2008, quae spatio 16 dierum in hac urbe necnon in nonnullis aliis locis Sinarum habebantur. Vexillum Olympicum traditum est a Sinensibus burgimagistro Londinensi Boris Johnson (in photographemate), Londini enim, anno 2012, proxima Olympia sunt habenda.

Olympia Pecchinensia peracta sunt licet multi vituperaverint Internationalem Commissionem Olympicam (IOC) ob consilia ludos esse habendos in terra, ubi iura hominis violentur. Etiam pollutio aeris Pecchini erat quaestio moderatoribus ludorum alicuius momenti.

Athletis tamen magna e parte taliae curae nulli videbantur momenti et pugnabant illi acriter ac pulchre. Natator US-Americanus Michael Phelps octo nomisma aurea cepit, quod adhuc nemini contigerat tempore singulorum ludorum Olympicorum. Birotarius Caledonus (Scotus) Chris Hoy tria aurea nomisma pro Britannia expugnavit. Etiam ter in ludis modo praeteritis vicit cursor Iamaicanus Usain Bolt, qui eodem tempore tria culmina mundi (ut dicuntur, fortasse non Latinissime) attigit, in tribus scilicet curriculis variarum distantiarum - 100 m, 200 m et cursus antecessorum 400 metrorum - currens citius quam cucurrerat quispiam antea.

In ultimo agone ludorum Francogalli expugnaverut titulum campionum Olympicorum manufollis dum Kenianus Sammy Wanjiru palmam cepit cursurae Marathonianae

Caerimoniis finalibus aderant inter alios cantatores Leona Lewis, Jimmy Page et Placido Domingo, praeclarus olim pedifollista Manucianorum Unitorum (Manchester United) David Beckham atque histrio Hollywoodianus Jackie Chan.

In indice nomismatum primum locum ceperunt Sinenses (51 nomismata aurea), quos secuti sunt US-Americani (36), Russi (23), Britanni (19), Germani (16), Australiani (14) et Coreani Meridionales (13).

Scripsit ANL - 24/08/2008 17h57

Catherine Gauchon Artiste peintre

TEMPESTAS AMERICANA

FACINUS LUTETIENSE

FOEDUS EUROPAEUM

MISSILIA RUSSICA

DE RE AFRICA

DE RE QATARENSI

RERUM NOVARUM STUDIUM

NOVA UCRAINA

CAPTIVORUM COMMUTATIO

NOVA DE BELLO

DE PERSIA

DE VERBIS RUSSICIS

DE CIVITATE ISLAMICA

POTESTAS BOREOCOREANA

DIES FESTUS PRO FEMINIS HODIE CELEBRATUR

.

.

Subnotationes fient
ante finem Septembris.