NUNTII

d.29. m.Oct. a.2005

INDIA

Tramen in fluvium irruisse – interfectos esse homines plures quam centum

Imbribus diluvialibus in Indiā australi effectum est infortunium traminis gravissimum. Tramen cum veheretur super orbitas aquā abundantes, complures ochimae exorbitaverunt et in flumen irruerunt. Interfecti sunt plures quam centum homines.

Veligondā ex urbe – Septem currūs cuiusdam traminis epibatici prope urbem Veligondam elapsi sunt e tramite ferriviario aquā abundante, quinque currūs deciderunt in flumen iuxta fluens. Multi vectores horis post infortunium factum adhuc inclusi erant in curribus, quorum dimidia ferź pars aquis submersa est. 88 cadavera interim sunt condita, alia adhuc traminis fragmentis sunt obstructa. A quodam locutore ferriviario dicti sunt plures quam centum homines esse interfecti.

Servatores adhuc conantur facibus sectricibus (fax sectrix est i.q. Angl. cutting torch, oxyacetylene cutter) tramen pervadere, ut attingant ad homines inclusos. Porro urinatores exercitūs Indici et adiutores voluntarii natant ad ochimas, ut liberent vectores. Usque nunc servati sunt circiter centum homines laesi.

Adiutores sero advenerunt, quia multae viae prope locum infortunii sitae aquis submersae sunt. Necesse est laesos auferre helicopteris. Quidam ministerii ferriviarii magistratus dixit post imbres dierum praeteritorum tres lacūs structiles (lacus structilis est i.q. Angl. reservoir, artificial lake) abundavisse.

"Artź dormiebamus, cum subito facti sunt crepitus et appulsus maximus. Proximo iam momento temporis tramen aquis submersum est". Haec rettulit quidam vir superstes, qui infortunio amisit uxorem et fratrem et quinque familiares alios. "Mihi quidem" inquit, „contigit, ut e curru reperem, sed alii minus erant fortunati."

Iam ante infortunium abundationibus, quae factae sunt in Andhra Pradesh duabusque civitatibus propinquis, hac septimanā 90 minimum homines interfecti erant. Quorum plerique aquis submersi aut ictibus electricis aut domibus irruentibus vitas suas amiserunt.

Hanc relationem d. 29. m.Oct. a.2005 in periodico „Der Spiegel" inventam e Theodisco sermone in Latinum convertit Nicolaus Groß praeceptor Sedis interretialis domūsque editoriae, quae appellatur LEO LATINUS: ///www.leolatinus.com/

Scripsit Nicolaus Gross - 29/10/2005 23h23

Catherine Gauchon Artiste peintre

TEMPESTAS AMERICANA

FACINUS LUTETIENSE

FOEDUS EUROPAEUM

MISSILIA RUSSICA

DE RE AFRICA

DE RE QATARENSI

RERUM NOVARUM STUDIUM

NOVA UCRAINA

CAPTIVORUM COMMUTATIO

NOVA DE BELLO

DE PERSIA

DE VERBIS RUSSICIS

DE CIVITATE ISLAMICA

POTESTAS BOREOCOREANA

DIES FESTUS PRO FEMINIS HODIE CELEBRATUR

.

.

Subnotationes fient
ante finem Septembris.