|
|
|
NUNTII 
Novi tumultus in Aegypto exorti sunt
 Novi tumultus in Aegypto exorti sunt
Plura milia Aegyptorum lege novissima neglecta ,qua lege domus
noctu relinqui vetantur, denuo Mursio praesidi reclamant.
Tumultis in pluribus urbibus exortis nocte superiore duo homines
necati sunt. Abdel Fattah al-Sisi, minister rei militaris, qui
exercitui praeest, dixit discordias tam graves esse, ut res publica
summo iam in periculo esset; milites, qui stationem agerent in
urbibus ad fretum Suezianum sitis, commeatui navali esse
praesidio; qua via navali neminem carere posse. «Si factiones»
inquit «in tanta discordia perseverabunt, res publica interibit»
Conventus nationalis superior, quem Aegyptii Shuram appellant,
lunae die legem comprobavit, ex qua militibus licebit cives
comprehendere. Ea lex voluntate magistratuum usque ad comitia
vere proximo habenda valebit.
Ira populi denuo incendebatur, cum iudices XXI homines capitis
damnavissent, qui anno superiore in ludo pedifollico tumultum
fecisse dicebantur. Quo iudicio audito in Portu Said novi
tumultus exorti sunt.
Scripsit
Volfgangus Austriacus - 30/01/2013 00h29
|
|
BREVES
POLITICA
IN ORBE
INSOLITA
POLITICA
SCIENTIAE
|
