Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Saturni die 30 mensis Julii 2016
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
Ahmadinejad Aegyptios visitat

Ahmadinejad Aegyptios visitat

Iraniani , cum per triginta fere annos nullas cum Aegyptiis rationes habuerint, discordias sublaturi sunt, quae sibi a re publica Islamica instituta cum Aegyptiis fuerint. Cum mense Augusto anno superiore Mahumetus Mursi Teheraniam profectus esset, Martis die Mahumetus Ahmadinejad primus Iranianorum praeses Aegyptum visitavit, ut summo conventui interesset eorum, qui consiliis rationibusque Mahumetanorum coniungendis student.

Cuius coniunctionis vincula ut artiora fierent, se summam daturum operam Ahmadinejad dixit, cum in aeroportu a praeside Aegyptiorum salutaretur. In colloquio XX minutorum id actum esse, quomodo caedes Syriaca nulla vi externa adhibita finiretur, diurnarii publici Aegyptiorum nuntiaverunt. Sed de rebus Syriacis tanta inter utrumque est dissensio, ut modica conciliatio nescio an facile in irritum cadat.

Nam Mursi, cum anno superiore Teheraniae commoraretur, Iranianos eo offenderat, quod seditionem in praesidem Assad factam iustissimam appellavit dicens officii moralis esse populum Syrum contra eos adiuvare, qui eum opprimerent. Tamen postea dixit ad discordias tollendas Iranianis careri non posse.

Ex eo tempore, cum Aegyptii imperatori Mahometo Reza Pahlevi e patria pulso asylum dederunt – quod fuit anno MCMLXXIX -, non solum rationes politicae, sed etiam commercia, quae Iranianis cum Aegyptiis fuerant, sunt intermissa. pacem, quam Aegyptii cum Israelibus fecerunt, proditionem Iraniani appellabant. Quin etiam vicus quidam Teheranianus ab eo, qui Anwarum as- Sadat, pristinum Aegyptiorum praesidem, interfecerat, appellatus est.

Tamen utriusque civitatis gubernatores recentem reconciliationem sibi usui fore sperant: cum Aegyptii sperent Iranianos pecuniis collocandis id effecturos, ut res oeconomicae convalescant, Iraniani exspectant fieri posse, ut Aegyptiis iuvantibus statum suum solitarium omittere sibi liceat.

Sed Aegyptii timent, ne Iraniani – ut in Libano et in Iraquia fecerant – rebus suis internis se interponant Schiitesque, qui in civitate Aegyptia minus valeant, incitent, ut plus iuris sibi poscant. Simul Aegyptii auxilio oeconomico, quod iis a civitatibus ad Sinum Persicum sitis fertur, carere non possunt. Ob eam causam dixerunt reconciliationem cum Iranianis non fore, nisi securitas illarum civitatum praestaretur.

Scripsit Volfgangus Austriacus - 08/02/2013 23h10



Catherine Gauchon
Artiste peintre



BREVES Coniuratione militum a regimine praesidis Erdogan cohibita, in Turcia a vigilibus publicis apprehensi sunt 18 milia hominum, quorum 9.677 in vincula dati sunt. 50 milibus non licet patriam relinquere.

Donald Trump, candidatus factionis Republicanorum ad munus praesidis USA, 1-7% vincit super candidatricem Democratarum Hilariam Clinton in demoscopiis.
Papa Franciscus Poloniam advenit ad conventum cum iuventute mundi Cracoviae necnon ergastulum Auschwitz-Birkenau visendum.

Cultro armatus Iapo occidit 19 homines & 26 vulneravit in nosocomio debilium praefecturae Kanagawa.
Tituli Nintendo, Iaponicae fabricatricis ludi Pokemon Go, post 120% incrementum spatio praeteritarum trium septimanarum, amisit die Lunae in bursa Tokiensi 18% pretii.
Novissimus computus victimarum Monachii esse 9 mortuos, 16 sauciatos. Sclopetator solus erat, post facinus ipse sibi manus intulit.

Saltem 6 homines necati, multi autem vulnerati sunt tromocratis sclopetantibus in emptores ambulantes per pantopolium prope Hortum Olympiacum Monachii.
Condicio extraordinaria trium mensium introducta est in Turcia post coniurationem militarem a regimine praesidis Erdogan expugnata.


SCIENTIAE
INSOLITA
OECONOMIA
OPINIONES
OECONOMIA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: