Varsoviae nata
per rete divulgata
ad omnia scitu digna spectans

Jovis die 28 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
Ioannes XXIII et Ioannes Paulus II .

Ioannes XXIII et Ioannes Paulus II ...

... in sanctorum numerum relati sunt.

Duo Pontifices uno die, res inaudita in hodierna aetate, simul sanctificati sunt. Coram decies centenis milibus fidelium Romae, in Foro Sancto Petro dicato, Papa Franciscus sententiam Latine legit qua posthac Angelus Iosephus Roncalli et Carolus Wojtyla in sanctorum numero sunt:

http://video.repubblica.it/dossier/il-giorno-dei-due-papi/giovanni-xxiii-e-giovanni-paolo-ii-sono-santi-la-proclamazione/163923/162414?video=&ref=HREA-1

"Ad exaltationem fidei catholicæ et vitæ christianæ incrementum, auctoritate Domini nostri Iesu Christi, beatorum Apostolorum Petri et Pauli ac Nostra, matura deliberatione præhabita et divina ope sæpius implorata, ac de plurimorum Fratrum Nostrorum consilio, Beatos Ioannem XXIII et Ioannem Paulum II Sanctos esse decernimus et definimus, ac Sanctorum Catalogo adscribimus, statuentes eos in universa Ecclesia  inter Sanctos pia devotione recoli debere. In nomine Patris et Filii et Spiritus Sancti".

“Ambo, ut ait Italice Pontifex Franciscus, viri animosi fuerunt qui non timuerint ne ad labores et hominum plagas sese flecterent; quo modo Dei bonitatis et misericordiae erga homines apud Ecclesiam et orbem testimonia dederunt. Fuerunt presbyteri, episcopi et pontifices saeculi XX: cuius aetatis eventus tragicos cognoverunt, sed iis non devicti sunt. Apud eos Deus fortior fuit; fortior fides Iesu Christi, Redemptoris hominis et historiae Domini; fortior apud eos Dei misericordia”.

Missa ascriptionis in sanctorum numerum a Papa Francisco et Papa Emerito Benedicto simul celebrata est; incepit hora XI ante meridiem et finem habuit hora II post meridiem. Instrumenta communicationis totius orbis diem Dominicam quattuor Pontificum hanc nuncupaverunt.

Scripsit Lydia Ariminensis - 28/04/2014 21h30



Catherine Gauchon
Artiste peintre

.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: