|
|
|
NUNTII 
Death toll from Israel strikes hits 100
 De bello renovato
Palaestini confirmant centum saltem homines occisos esse ab
octavo die mensis Julii, cum aëronaves Israëlianae coeperunt
zonam Gazae conicere, ut missilibus inde deiectis responderent
armatosque gregis Hamae interficerent. Minister Palaestinus
saluti servandae addictus DCC fere homines vulneribus affectos
esse dixit: nam aggressio Israëliana armatos Palaestinos
prosequens domos civiles destruit, magna cum civium caede, etiam
feminarum puerorumque (ut in superiore imagine conspicitur).
Interea Tholus Ferreus, apparatus videlicet qui Telavivum contra
ictus decidentes defendit, aliquot missilia ex Libano coniecta
delevit.
Baracus Obama cum Beniamino Netanyahu per telephonium
collocutus est, missilium deiectus factionis Hamae (cuius
damna in petrolei receptaculo infra ostenduntur) condemnans
ambasque partes adhortans, ut civium vitae serventur; regimen
USAe dixit paratum esse ad indutiis favendum. Sed Beniaminus
respondit nulla ratione exercitum Israëlianum cohiberi posse. Tam Aegyptiorum quam Turcarum regimina
condemnaverunt nimiam vim copiarum Israëlianarum vanamque
innocentium caedem.
XX milia Israëliani evocati sunt, ideo verentur observatores
ne irruptio terrestris paretur.
Scripsit
Herimannus Novocomensis - 11/07/2014 20h10
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|
