|
|
|
NUNTII 
In proeliis et caede .
 In proeliis et caede ...
... perseveratur in Gazae zona.
Nondum indutiae diuturnae inter duas
nationes factae sunt ad bellum intermittendum, immo proelia
in dies augeri videntur: die Lunae vespere Beniaminus Netanyahu,
Minister Primarius Israëlis, cives hortatus est ut “se
pararent vi et certo consilio ad diutinam oppugnationem”.
Interea missilia Palaestiniensium sine intermissione circa urbem
Tel Aviv coniecta sunt.
Nox bidui , quae fuit inter diem Lunae et
diem Martis, a speculatoribus maxima vi ac caede existimata est.
Administer Palaestinus Saluti praepositus Ashraf al-Qedra, per
relatorem paucis horis centum saltem perisse nuntiavit.
Incursiones aëronauticae ab urbe Tel Aviv profectae unam sedem
Gazae electridi gignendae tetigerunt quae ob
ingentem incendium flagratum operam desiit, cum
conceptaculum materiae facilis ad exardescendum pyrobolo quassum
esset. Apparatus qui maxima vim electricam Gazae praebuit qua
opus est brevi tempore non sanabitur. Periculum est ne multae
aquarum antliae in opere cessent. Alia XX milia incolarum migrare
coacta ceteris bis centum milibus addita sunt. Etiam aedificia
televisionis ac radiophonii vastata sunt et praeterea domus ducis
Hamas factionis Ismail Haniyeh.
Incursiones non desierunt nocte inter Diem
Martis et diem Mercurii. Schola Ordinis Nationum Unitarum in
parte Septentrionali Gazae zonae quassa est ictibus tormenti
belliciquo confugerant maxime feminae et pueri: XX saltem hic
interierunt. Longum est omnes res bellicas describere: in summa a
die octavo mensis Iulii MCC Palaestinenses perierunt, LIII
milites et III civiles Israëliani.
Ab auctoritatibus totius orbis pax per
legationem postulatur. Maxime Iohannes Kerry,
legatorum rector Civitatum Americae Unitarum et Ban Ki moon,
Secretarius Universus Ordinis Nationum Unitarum indutias frustra
repetunt. Altera natio alteri clamat : “Antea desinat
armorum ignis!” Sed neutra earum hoc facere vult. Non deest
tamen qui ad bellum excitat: dux summus religionis Iraniae Ali
Khamenei nuper appellavit Israël “canem rabidum” qui
est “genocidii” causa; simulque omnes Islamicos
hortatus est ut arma Palaestinis praeberent.
Scripsit
Lydia Ariminensis - 30/07/2014 20h54
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|
