|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
OECONOMIA
OECONOMIAE PERITUS US-AMERICANUS PRAEVIDET MELIORA FUTURA Denuo non cademus
Carl Riccadonna, peritus argentariae Deutsche Bank Neoeboraci: Nondum testes sumus incrementi solidi, nam adhuc incrementum oeconomiae magna ex parte effectum esse pecuniae sumptae e programmatibus stimulativis regiminis USA necnon aliarum maximi oeconomice momenti terrarum. Incrementum verum fiet, puto, demum proximo anno. Sed quoque hoc, hodiernum scilicet incrementum, sine dubio esse bonum nuntium, nam generat lucrum. (...) Medio anno 2010, cum argentariae centrales siverint pecuniam suppeditare ad programmata stimulativa, incrementum verisimiliter paululum retardabitur, tunc autem iam, ut spero, videbuntur effectus melioris condicionis in mercatu laboris, decrescet scilicet numerus hominum sine labore. Hoc, sua vice, premet cives ad maiora expensa mercium. Rzeczpospolita: Multi tamen dicunt nobis novus casus oeconomiae timendus sit... Riccadonna: Rarissime evenit, ut terra e recesione exiens statim in novam cadat. Mea sententia recessio oeconomica finita est in USA tertio trimestri 2009 anni. Rzeczpospolita: Multi nihilominus timent... Riccadonna: Sed uno die timere sinent. Rzeczpospolita: Quando. Riccadonna: Cum numerus hominum sine labore coeperit decrescere. Rzeczpospolita: Hunc tamen descrescentem nondum videmus. Riccadonna: Sed saltem ratio centesimaria operis cessationis non plus crescit. Septimanatim autem numerus hominum munere modo privatorum licet augeatur, tamen lentius quam augeri solebat. Rzeczpospolita: Unde tamen tua tanta fides rerum meliorum? Riccadonna: Spero expensa civium US-Americanorum cretum iri ut effectum programmatis stimulativi argentariae Fed. Spero id non fore tam procul abhinc. Expensa autem civium sunt oeconomiae maximi momenti, nam generant 70 centesimas productus globalis. (...) Alterum optimuum nuntium esse certo animum altum, qui a mense Martio regnat in foribus bursariis. Rzeczpospolita: Quando ergo argentariae centrales poterunt programmata stimulativa deponere? Riccadonna: Ut dixi, medio in proximo anno. Tunc oeconomia USA ipsis nissa pedibus denuo ambulare poterit.
Scripsit Stanislaus Varsoviensis iconoclastes.blog.onet.pl - - 03/11/2009 00h05
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Acta diurna Polonorum
"Rzeczpospolita": Ex USA afferuntur nuntii
boni: productus nationalis crevit praeterito, tertio, trimestri 0,9
centesimae plus quam altero huius anni trimestri, at gradu
annuali crevit 3,5 centesimarum. Est hoc tua sententia finis
recesionis oeconomicae?
