DIGLOSSIA ECB ET NUMMARIARUM PRIVATARUM

De Graecia et Unione Europaea...

Mense Iunio ineunte, praecipuae orbis nummariae convenerunt in Vindobonam in Institutum Internationale rerum Nummariarum; erant ad nongenta (900) nummarii; ii autem qui interfuerunt bifariam de rebus futuris sentire videbantur: alii, gubernationibus proximi, putant oeconomicam crisim quanvis gravem tamen esse commode regendam ex consiliis Unionis Europaeae et Fundi Monetarii Internationalis; alii, proximi privatis, censent res ita gravissimas se gerere ut aliquae nationes -vel Graecia - oeconomiam suam apte moderare non possint, neque creditoribus internationalibus pecuniam solvant; inde necesse est versuram ab eis actum iri (id est debita denuo pacisci deminutione fenoris et pecuniae totius restituendae procrastinatione); periculum igitur instat ut aliae nationes vel Hispania, Italia Lusitaniave debita idcirco solvere nequeant, nam ex Graecia pecuniam reliquae nationes Europaeae non accipient; qua de causa etiam Nummaria Centralis Europaea (ECB) auctoritatem suam apud orbem negotialem deminutam et vexatam brevi tempore habebit, quia pecuniam iis nationibus quarum oeconomia male se habet pecuniam credidit; praeterea Nummariae Praeses, Iohannes-Claudius Trichet (quem photographema supra monstrat), die 10 Iunii nuntiavit pecuniam a Nummaria denuo in posterum mutuo datum iri (1); at apud plerosque oeconomistas nationes Europaeae non debent pecuniam a Nummaria Centralis mutuari; nam eius autonomiam opinantur brevi tempore deletum iri ob pecuniam non restitutam (2).

1-El Financiero en línea (http://www.elfinanciero.com.mx/ElFinanciero/Portal/cfpages/contentmgr.cfm?docId=267300&docTipo=1&orderby=docid&sortby=ASC)
2-Francisco Garcés, El Mercurio (Santiago de Chile) 11 de mayo de 2010.

* Die Lunae agentura aestimatoria Moody's suam aestimationem valoris obligationis regiminis Graeciae demisit quattuor punctis usque "statum sordidum".

Scripsit Paulus Kangiser - - 15/06/2010 10h44

INCREMENTUM OECONOMICUM ET AEQUALITAS

De nominibus negotiaturarum

Petrolei pretium crescit post decretum OPEC

Paradoxon mercatus

Bill Gates denuo locupletissimus

Oeconomia Sinarum crescit passu 6,7%...

Circulus vitiosus argentariarum Italiae

Cui magis Brexitus nocet: Britanniae an Europae?

De Brexitu, sponsionibus atque pretio librae

De Mensarum Argentariarum difficultatum causis inquirendis

De Roberti Turneri Encomio debiti

De Davo et ejus sacculo nummorum

Seres plures miliardarios habent quam USA...

Seres nuntiant copiam auri, quam teneant...

Oeconomia Sinarum stagnat?

.

.

Subnotationes fient
ante finem Septembris.