|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
PERIEGETICA
Londinium saeculo vicesimo primoDenique Londinium iterum me contuli, qui ante vicennium cum nonnullis amicis coaevis paucis diebus visitaveram. Hoc mense Junio diutius commoratus sum, loca et monumenta tranquille iterum atque iterum perscrutans cum filio meo. Multa commutata comperi, plura eadem permansisse. Gentes
Neque desunt cauponae ubi escam cuiusvis terrae comedere possis, quamquam nusquam desit ientaculum Britannicum ex ovis lucanicis adipe suillo phaseolis lycopersico. Scripsit Herimannus Novocomensis
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Mihi iuveni Italico qui numquam fere ex finibus
patriis exieram, insolitum olim fuerat in deverticulis et
cauponis saepe famulos ex Africa vel Asia oriundos videri, si
modo aspectum considerasses. Nulla quaestio temporibus nostris:
si quo phyletico odio affectus sis, ne Londinii commoratus sis!
Tam in media urbe quam in insulis externis, tam in musaeis quam
in cauponis, tam in traminibus subterraneis quam in laophoriis
bitabulatis totius orbis vultibus vestimentis moribus occurras.
Haec imago mihi in mentem venit, in sex traminis subterranei
sellis iuxta positis: matrem flavam cum filio suo quadrienni
suavi voce colloquentem; duas feminas Indicas digitos extremos
atratas, amplis vestimentis indutas, quarum seniorem libellum
Arabicis et Latinis litteris, mihi ignota lingua, graviter
legentem;
iuvenem saeculi undevicesimi more indutum - tunica
caliginosa, focali Croato, horologio catena vincto, lucentibus
crepidis, oculis immotis vacuum contemplantibus -; adolescentem
cristatum, plurimis ornamentis ex metallo aures mentumque
terebratum, bracchia terrificis notis depictus, caput ad numeros
musicae in aures resonantis moventem; denique puellam
nigricolorem taediose exspectantem stationem ubi operam
cotidianam datura sit. Totus denique orbis in sex sellis!
