|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POESIS Se nutrire leo statuit... Se nutrire leo statuit sine carne timendus cumque aliis facta uiuere pace feris, remque bonam censens animalibus imperat inde ne carnes etiam cetera turba uoret. Mox dapibus demptis uires decrescere sentit, seque carens aptis morte perire cibis. Quamquam magnus edi uetuit rex uiscera, uermis nunc epulis gaudens membra leonis edit. Etsi mens bona sit, naturae uincere legem non potes: Haec te uis fortior est et erit. scripsit Martinus Zythophilus |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||