|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POESIS In foro Buduiciensi Moenibus in mediis puteus: Scatet unda sonatque lapsaque sub statuis sese aqua iungit aquae. Hic tua dirumpit manus, o crinite, leonem teque tenet quadruplex corpore saxeo Atlans. Cum sim de puteo signisque locutus et unda, nonne liquor, quaeris, sit Cerealis. Adest. (...) Turris dicta nigra indicat fugaces horas sole diem fouente clarum et, cum cesseris, alme Phoebe, nocti. Turrim scandere nobilem fugaces horae nos uetuere. „Cur?“ requiris. Tantum temporis esse tum negarunt. scripsit Martinus Zythophilus |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||