|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POESIS CANTIUNCULA ADVENTUALIS CROATICA Caeli, caeli, nunc rorate, pluant nubes uberes, sanctum nobis, iustum date, sic clamabant veteres. Hisce, terra, tuum sinum, fiat illud, quod divinum: nox obscura terminet, salus mundo germinet! Cor o meum, nunc exsulta, esto in laetitia, te precante vidit multa Pater plenus gratia. Ecce prope nox est illa, quae pro reis tam tranquilla: Salvatorem proferet, populum ut liberet. Est propinquum tempus carum Salvatoris Domini, et in orbe hoc terrarum salus omni homini. Veni, dies, noctem move, redde Deo, Sol o nove, in excelsis gloriam, dona nobis veniam! Lux Divina lustrans mentes, o descende, venias, firma omnes nos volentes animosque lenias, firma sanctam nostram fidem, salus nostra est ibidem: fidem quisque muniat et, quod credit, faciat! Rerum o Creator, quarum donum te glorificat, accipe hoc, quod praeclarum tua plebs sacrificat: vinum, panis in altari fient dona sine pari: sanguis, corpus Filii tui Unigeniti. Canite, o labra mea, una cum caelestibus, carmina cantate ea, Deo in sideribus! Terra, caeli en sereni nomine sunt tuo pleni, te extollunt omnia, Pater, tibi gloria! scripsit , e Croatico convertens, Aurelius Vidulić |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||