|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
Magna pars Romanianorum ...... aetatem communisticam desiderat.Secundum percontationem nuper in Romania factam magna civium pars aetatem communisticam desiderat. Nam XLV ex C civibus in hac sunt sententia, ut communismus civitati saluti fuerit. Quin etiam XLVIII centesimae dicunt Nicolaum Ceausescu, qui summam in civitate potestatem obtinuerat, partes suas satis bene egisse. XLIV centesimae existimant homines illa aetate melius quam hoc tempore vixisse, cum pars multo minor huic sententiae repugnet (XXXIII centesimae). Sed multum interest, in qua regione ea percontatio facta sit. cum a magna parte eorum, qui finitimi sunt Hungaris vel Serbis, aetas communistica parum probetur, ii, qui regiones orientales colunt, longe aliter sentiunt: quorum plurimi statum civitatis pristinum laudant. Deinde sententiae civium pro aetate eorum inter se differunt: quo quisque maior natu est, eo magis tempora priora desiderare videtur, cum maior pars iuvenum – praecipue pars locupletior – ab ea sententia abhorreat. Non solum in Romania desiderium communismi crescere videtur: percontatio paucis annis ante in Hungaria facta similes habuit eventus. Scripsit Volfgangus Austriacus - 19/01/2014 22h23 . . |
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||