|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
ITALIA: NAVIS PROCELLIS VEXATA “CAESARE” BERLUSCONI IMPERANTE, CORRUPTIONE PERVAGANTE ET LIBERTATE PERICLITANTE Ad “redde rationem” perventum est!
In eadem Parte (dextera) Berlusconi eiusque fautores cum Fini eiusque fautoribus contendunt. De quibus rebus? De multis rebus, praesertim de officiiis legibusque observandis. Berlusconi propositis omnes adversariae Partes acriter obstant. Cum vulgares scelesti homines electronicis instrumentis investigabantur, bene erat, nihil obstabat ; cum autem iisdem instrumentis Berlusconi eiusque sodales investigati sunt et contra leges egisse visi sunt, Berlusconi ipse, specie vitae privatae protegendae (anglice privacy), legem tulit qua facultas investigandi contineretur, praesertim de viris publicis (qui, sine dubio, plurimum possunt) et de administratoribus (anglice white collars). Eadem lex non solum investigationibus minatur (quae maximi momenti sunt ad omnis generis crimina detegenda) sed etiam libertati nuntios edendi actis diurnis et interretibus.
Tempore praeterito “Da mihi basia, mille basia, Fini!” Sodales “Caesaris” (hoc nomine investigatores adfirmant telephonis colloquiis Berlusconi appellari) accusantur clandestinam consociationem constituisse (quod est contra legem!) ad sua amicorumque negotia protegenda; ad hoc summos magistratus quoque adisse. “Do ut des” imperavit! Viri publici, argentari, aedificatores, magistratus hoc in “luto” volutati esse videntur. Sunt nonnulli (inter quos Fini) in Dextera Parte qui petunt ut viri publici de rebus contra leges accusati (etsi berlusconiani sunt) munera deponant; iidem (“Finiani” appellantur), cum eiusdem Partis sint, a Berlusconi eiusque sodalibus inimici habentur (quasi”Caesaris” maiestatem laedant!) et digni qui a dextera Parte deiciantur. Adversae Partes quoque (Moderata et Sinistra) petunt ut viri publici accusati (“societas sceleris ad adiuvandum”) sponte munera amittant, quod maximi ad Rei Publicae dedecus interest. Iam tres sodales rei publicae rectores Berlusconi (re coactus) coegit ut munera deponerent; parum abest quin eorum numerus augescat: dedecus finem non haberet! Nunc ad finem comoediae perventum est: Berlusconi a “sua” Parte Fini eiusque fautores nuper eiecit, qui autem novam Partem condiderunt, cui nomen dederunt “Futura et Libertas”. Haec intestina bella dum exardescunt, pauperum numerus augetur, plurimi sine opere sunt, plurimi opus amittunt.
Dum Romae consulitur …tota Italia expugnatur.
Scripsit Dominicus Gallipoli - 30/07/2010 22h43 . .
|
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
