|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
SCIENTIAE
De comete exploratoPervenire incipiunt nuntii de comete 67P/Churyumov-Gerasimenko, in quem missus est Rosetta, apparatus investigativus Agenturae Spatialis Europaeae (ESA), cuius oculo, Virtis nuncupato, et transviolaceis et visibiles et infrarubri colores imprimuntur et servantur. Nucleus cometae L circiter gradibus Celsianis sub nihilo riget, materia tamen carbonio praedita opertus est, cuius opacitas vetat, ne magis frigescat. Studiosi negant carbonii praesentiam cum qualubet vitae forma connecti posse, omnino insolitum tamen reputant moleculas organicas tantopere abundare in superficie astri. Apparatus investigativus Rosetta cometen comitabitur usque ad finem anni proximi; si vero protrahatur missio usque ad annum MMXVI, non solum appropinquatio sed etiam discessus a Sole observabitur, usque ad maximam elongationem ab astro diei, id est DCC miliones chiliometrorum. Scripsit Herimannus Novocomensis - 20/12/2014 18h29 . . |
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||